په‌رستار و خه‌لك
عیسی صدیق
په‌رستار كه‌سه‌كه‌ ژ خه‌لكی‌ به‌لێ‌ كارێ‌ وی‌ و جهێ‌ وی‌ و سه‌ره‌ده‌ریا وی‌ یا تایبه‌ته‌ هه‌تا سالوخه‌تێت وی‌ ژی‌ د تایبه‌تن، پێتڤیه‌ په‌رستار د ره‌وشت و تێكه‌لیا خو دا یێ‌ چه‌وا بیت؟ ... یا پێتڤیه‌ په‌رستاری‌ هنده‌ك ره‌وشتێت تایبه‌ت هه‌بن جێواز ژ خه‌لكی‌ هه‌میێ‌ ژلایێ‌ تێكه‌لیا دگه‌ل نه‌خوشی‌ و كه‌سانێت نه‌خوشی‌ ئه‌ڤه‌ ژ لایه‌كی‌ ڤه‌ ، و ژلایه‌كێ‌ دیڤه‌ تێكه‌لیا دگه‌ل هه‌ڤالێت خو د كاری‌ دا چ په‌رستار بن ج نوژدار چ كارمه‌ندێت ساخله‌می‌ چ كاربه‌ده‌ست بن و .....هتد . ژ ڤان سالوخه‌تا پێتڤیه‌ په‌رستار سه‌ره‌ده‌ریه‌كا گه‌له‌ك جوان و تازه‌ دگه‌ل هه‌ڤالێت خودا بكه‌ت دا بشێن كاره‌كێ‌ باش بو نه‌خوشی‌ بكه‌ن و ل ئێك و دوو ب هێجه‌ت نه‌بن بتایبه‌ت پێش چاڤێت نه‌خوشا ، پێتڤیه‌ په‌رستار پێشوازیه‌كا كه‌له‌ك جوان و خوش ل نه‌خوشی‌ بكه‌ت دا نه‌خوش هه‌ست ب دل گرانیێ‌ و نه‌خوشیا خو نه‌كه‌ت، پاراستنێ‌ لسه‌ر نهێنیێت نه‌خوشی‌ بكه‌ت، و پێتڤیه‌ هه‌می‌ ئاخفتنێت په‌رستاری‌ د خوش و دل ڤه‌كه‌ر بن و هه‌می‌ ده‌ما یێ‌ ب گرنژین بیت بتایبه‌ت به‌رامبه‌ری‌ نه‌خوشی‌ ، یێ‌ شاره‌زا و ده‌ست نه‌رم بیت د كارێ‌ خودا ، یێ‌ بهێن فره‌ه و ب ته‌حه‌مول بیت ، پێتڤیه‌ په‌رستار نه‌خوشیێت نه‌خوشی‌ هه‌میا نه‌بێژیته‌ نه‌خوشی‌ دا نه‌خوش هه‌ست ب دلگرانیێ‌ نه‌كه‌ت ، كارێت نه‌خوشی‌ ڤه‌نه‌هێلیت و تأخیر نه‌كه‌ت ، یا ژ په‌رستاری‌ بهێت پێتڤیه‌ بو نه‌خوشی‌ بكه‌ت ، جێوازی‌ نه‌هێته‌ كرن دناڤ به‌را نه‌خوشان دا ژ هه‌می‌ لایان ڤه‌ ، پێتڤیه‌ چ كارا بو نه‌خوشی‌ نه‌كه‌ت د ده‌ستهه‌لاتا وی‌ دا نه‌بیت ، ده‌مێ‌ په‌رستار نه‌خوش د بیت پێتڤیه‌ ده‌وامێ‌ نه‌كه‌ت و ده‌ستیریێ‌ وه‌ربگریت دا چ خه‌له‌تی‌ ژێ‌ چێنه‌بن به‌رامبه‌ر نه‌خوشی‌ و هه‌ڤالێت وی‌ د كاری‌ دا ، به‌رامبه‌ری‌ ڤێ‌ ئه‌رێ‌ دیتنا خه‌لكی‌ و ره‌وشتێت خه‌لكی‌ به‌رامبه‌ر په‌رستاری‌ و كارمه‌ندێت ساخله‌می‌ پێتڤیه‌ د جه‌وا بن؟ ... بشێوه‌كێ‌ گشتی‌ پێتڤیه‌ خه‌لكی‌ هنده‌ك ره‌وشتێت تایبه‌ت هه‌بن به‌رامبه‌ر په‌رستاری‌ و كارمه‌ندێت ساخله‌می‌ ژ وانا ....... پیتڤیه‌ خه‌لك ب دیتنه‌كا باش به‌رێ‌ خو بده‌ته‌ په‌رستاری‌ و كارمه‌ندێت ساخله‌می‌ ژبه‌ركو كارێ‌ په‌رستاری‌ یێ‌ تایبه‌ته‌ هه‌می‌ كه‌س نه‌شێن كارێ‌ وان بكه‌ن ، هه‌روه‌سا خو لێ‌ ته‌نگاڤ نه‌كه‌ن ئه‌گه‌ر بو ده‌مه‌كی‌ كارێ‌ نه‌خوشێ‌ وان ڤه‌ما و د هاریكار بن دگه‌ل په‌رستارا ، و بهن فره‌هی‌ هه‌بیت دا په‌رستار بشێن كارێ‌ خو ئه‌نجام بده‌ت ، چ كار ژێ‌ چێنه‌بن مه‌ترسیا په‌رستارا تێدا بیت ، گه‌له‌ك نه‌چنه‌ دناف كارێ‌ په‌رستاری‌ دا بتنێ‌ ئه‌گه‌ر پێتڤی‌ بوو ، گه‌له‌ك نه‌كه‌نه‌ هوسه‌ و ئزدیحام لسه‌ر سه‌رێ‌ په‌رستاری‌ دا بشێت كارێ‌ خو بكه‌ت ، هه‌می‌ ئاخفتن نه‌هێنه‌ گوتن به‌رامبه‌ری‌ په‌رستاری‌ ، خو ته‌نگاڤ نه‌كه‌ن ئه‌گه‌ر هنده‌ك كار بو نه‌خوشێ‌ وان نه‌ هاته‌ كرن د بیت هه‌می‌ كار په‌رستار نه‌كه‌ت و د ده‌ستهه‌لاتا وی‌ دا نه‌بیت . ل ڤێرێ‌ باشترین خزمه‌ت دێ‌ هێته‌ كرن بو نه‌خوشی‌ و نه‌خوش هه‌ست ب چ كێماسیا ناكه‌ت و دێ‌ یێ‌ دل خوش بیت دگه‌ل هه‌میان و زوی‌ ب زوی‌ هاش ئێشا خو نابیت ..
ژماره‌ی بینین:
968
به‌روار:
12/05/2014
بیروڕاکان
هیچ داتایه‌ک به‌رده‌ست نیه‌ .
کۆمێنتی خۆت بنێره‌      

نوسینه‌کانی تری نوسه‌ر
1 بۆ 1 له‌ کۆی 1